Re3epali Ćupi, Gostivar. R-jo Ćupi si studdento ko Juristikano fakulteto ano Skopje. Taro 2002 berś vov si 3eno ki programa baśi ući edukacia e Romengiri ki Fondacia instituto putardo amalipe Makedonia (FIPAM), Romavesitas. Thaj uzal kodova, o r-jo Ćupi sas involvirime ane pobuter proektoja baśo laćheder hali e romane populaciake ani Makedonia.

Er3an Demir, Skopje. Studento ko dujto berś ko Juristikano fakulteto ko Univerziteto S-l Kiril thaj Metodij ano Skopje. R-jo Demir, thaj si butărno ano Ministeripe baśo arakhipe.

Anifa Demirovska, Delčevo. Jekh tare romane 3uvlă advokati ani Makedonia. I r-ni Demirovska kĕrela buti e pućipanca so si phandle e 3uvlĕnca, phandindo athe thaj o kherutno bilaćho zoralipe thaj o kinobikinipe e manuśenca. Aktivnikane si involvirime ano romano birajikano miśkipe taro 1995 berś thaj voj ano momento si prezidento ani romani BRO Phurt Delćevo.

Ferki Demirovski, Delčevo. Biame ani khamali Makedoniakiri rig, numa si aktivnikano thaj ani centralnikani thaj ani lunali makedoniakiri rig. Ani centralnikani Makedonia, o r-jo Demirovski, ano Skopje thaj Veles, kĕrela buti sar koordinatoro ano dizutnikano konsiliarnikano centro kĕrdo e romane BRO-tar Mesećina. Thaj kĕrela buti sar asistento ano Romaversitas ano Skopje. Avere rigatar pale o r-jo Demirovski si studento ki putardi administracia ko Univerziteto tari tati thaj khamali rigakiri Europa ano Tetovo.

Feat Kamberovski, Kumanovo. R-jo Kamberovski si fundalutno thaj prezidento ki kumanovakiri BRO Arka. Tari peskiri buti e birajikane sektoreste, o r-jo Kamberovski ki ekspertikani grupa anela bari eksperienca ko dikhipe e procedurengoro ke politike thaj ke krisoskere subjektoja, sar thaj deipaça juristikano dendo dumo thaj ani edukacia e manuśikane hakojengoro. Peskere butăça, o r-jo Kamberovski kĕrdăs but laćhi kolaboracia e Ministeripaça baśe andrune bută.

Idaver Memedov, Veles. O r-jo Memedov si ano paluno berś tare studie ko Juristikano fakulteto ko Univerziteto S-l Kiril thaj Metodij ano Skopje. Vov, thaj si butikĕrutno ani kancelaria ko Makedoniakoro helsinkiskoro komiteto baśe manuśikane hakoja ano Skopje.

Elvis Memeti, Tetovo. Studento ke politikane bare 3anlipa ko Univerziteto S-l Kiril thaj Metodij ano Skopje. O r-jo Memeti, thaj kĕrela buti ano Ministeripe baśi lokalnikani korkorira3in kote so kĕrela buti ani specializirime butărni grupa baśi integracia e Romengiri.

Alma Mustafovska, Kriva Palanka. Palo agorkeripe e fundavne thaj maśkarutne śkolakoro ani Kriva Palanka (śilali-khamali rig tari Makedonia), i r-ni Mustafovska hramonela pes thaj diplomirinela ano Juristikano fakulteto ko Univerziteto S-l Kiril thaj Metodij ano Skopje. Olakoro intereso baśe manuśikane hakoja generalnikane thaj o jekhipaskoro tretmano e Romengoro majbut manifestirindŏvela thaj ano alusaripe olakere profesiake thaj ani lakiri buti ko birajikano sektoro.

Amza Pini, Gostivar. Biame ani lunali makedoniakiri rig. O r-jo Pini agorkerdă maśkarutni teologikani śkola thaj poltikane bare 3anlipa ko Univerziteto ano Saraevo, Bosna thaj Hercegovina. O r-jo Pini, thaj sas, involvirime ane pobuter aktivipa ko birajikano sektoro.

Muhamed Toči, Gostivar . 3eno ko prezidentipe ki lunali makedoniakiri rigakiri BRO Mesećina taro lakoro fundiripe ano Gostivar ano 1993 berś. Vov si trenirime baśo dikhipe e manuśikane hakojengoro thaj deipe juristikano dumo. But sigate napal vov labardă peskere laćhe relacie thaj eksperienca te putarel e dizutnikane konsiliarnikane centroja save kĕrena buti ki sasti phuv. Thaj, uzal adava lela than ane aktivipa organizirime taro PER baśo bajrovipa e rajutnikane strategiakere baśo bajrovipa e rajutnikane strategiakere baśe Roma ani Makedonia.