Fundavne evidentoja baśo proekto

Pali iniciativa tari Sida, ano juni 2003 berś ECMP realizirindă i jekhto globalnikani dikhin barubutnipa e Romane populaciake ani Makedonia taro septembar 3i novembar 2003 berś. Palo baro rodlăripe thaj e konsultacie e lokalnikane interesnikane rigengoro, i dikhin sas ulavdi ke śtar fundavne branśe: siklŏvipe, sastipe, dizutnikane hakoja thaj butikĕripe. Sakone fundavne branśake, sas dendi bari sama na numa ko hali e romane populaciakoro generalnikano, numa thaj e poziciake savi so isi e romane 3uvlen ulavdo. Sas kĕrdo narativnikano raporto tari evaluacia ano starto e decembareskoro 2003 berś, a ECMP ano momento vazdela jekh paśe dikhina baśe trubutnipa e kotorenge save si paśutne phuva e Makedoniakere.

Resarina

Bajrovkĕrindo e dikhina save so iklŏvena e trubutnipastar, akale proekto isi resarin te bajrarel o nivo e romane integraciakoro ano amalipe ani Makedonia ko sahnipe kodoleça so ka kĕrel uniformiripe e resursenca trubutne te śaj te khelen jekh efektivnikani rola ano demokratikano amalipe savo si bazirime te ovel rajipe e hakoskoro sar thaj baśo bahtagoralo leipe than ano konkurentnikano kurko e butikeripaskoro. Kodole resarinake, o proekto dikhela jekh fundiripe saste romane ekspertengere grupe ane śtar fundavne branśe. Kodola ekspertengere grupe ka dizajnirinen thaj ka realizirinen rodlăripa savenge dikhena kaj si bare 3anlipastar sar temelo ke konkretikane droma thaj politike save śaj te anen laćheder situacia ke but phare thaj bilaćhe pozicie saven isi e Romen ane śtar fundavne branśe.

Aktivipa taro anglederutno berś

Ano maśkar e proektikane berśeskoro, sas finalizirime e liste e ekspertengere grupengere prekal intenzivnikane procesoja ko filtriripe thaj sa e śtare ekspertikane grupendar ikěrde 24 nićale beśina, ja pale 96 beśina save so sas ikěrde, bizo te ovel gindime e biś aver beśina save so sas ikěrde pali iniciativa e ekspertengere grupendar kana ovenas realizirime e rodlǎripaskere proektoja. Harno vaht pelo lengoro formiripe, e ekspertengere grupe dendě rekomendacie 3i rajipen/governo save sas ki relacie e reviziakoro ki Ćitra strategia e Romenge ani Republika Makedonia. Palo interaktivnikano gindipe e trubutnipange e ekspertengere grupe baśo treningo sas organizirime śtar treningoja sa e ekspertengere grupenge.

Rezultatoja save so sas aresle ano jekhto berś

O jekhto berś e proektostar kulminirindǎ e putarde prezentaciaça e lileskiri savo so ikěrelas e śov rodlǎripaskere proektoja kěrde tari rig e ekspertengere grupendar tare proektoja save so dizajnirindě thaj realizirindě e dende dumeça taro ECPM. Lelo ani kombinacia e frekvenciaça savaça e 3ene tare ekspertikane grupe si konsultirime ani relacia e nevevahtune barǒvipaça saven so isi influencia ke Roma, i rola e proektoskiri 3i akana ani relacia e pośukar koordinaciakiri maśkar e relevantnikane internacionalnikane finansirime iniciative, pośukar relacie maśkar o makedoniakoro rajipe thaj e Romane BRO, thaj barǒvipe e niveloskoro ko phirnipe e relevantnikane rajipnaskere thaj birajipnskere akteroja sikavena so ekspertikane grupe si ko śukar drom te oven korkoripeskere referentikane nukte baśe organizacie thaj individualcoja save rodena konsultacie so si ki relacia e romane populaciaça ani Makedonia.

Kontinuiripe e proektoskoro

Ano jekhto berś e proektostar Ekspertikane grupe, ikěrde 24 beśina maśkar savende sas dikhlǎrdi i Strategia baśe Roma kěrdi e Rajikane rigatar ani Republika Makedonia thaj kote so e ekspertikane grupe dendě o majbaro dendipe ki finalizacia akale bare 3anlipaskere dokumentoske. E ekspertikane grupe nakhle pobuter treningoja, save so sas naglo sa dromarde kori barǒvipe e kapacitetongoro e 3enengoro ke grupe. Ano dujto ekvaśipe e jekhto proektikane berśestar i ekspertikani grupa baśi integracia e Romengiri kěrdě śov rodlǎripa ane śtar ranika. Duj rodlǎripa sas kěrde ane ekspertikane grupe baśo siklǒvipe thaj hakoja e dizutnengere, 3ikaj jekh rodlǎripa sas kěrdo e grupendar sastipe thaj butikěripe. Jekhto dromeske Roma sas involvirime na numa ani tereneskiri buti, numa thaj ano jekh vaht ani analiza e rezultatengere thaj o hramovipa e raporteskoro. O rodlǎripa ka oven laćhe sar jekh baro hango e informaciengoro ki Ra3i thaj sa e interesirime rigenge savengiri resarinakiri grupa si e Roma, anglo sa o kreiripe e politikengoro resarinaça te ovel kěrdi laćheder i situacia e romane khedinakoro ane dende reonia. Ko agor taro jekhto proektikano berś o rodlǎripa tare Ekspertikane grupe sas prezentirime anglo prezententia ke but ministeripa, internacionalnikane organizacie, sar thaj e romane thaj naromane organizacie.

Ano thavdipe e dujto proektikane berśeskoro, e Ekspertikane grupe baśi integracia ka 3an ponadari e treningonca save so ka oven dromarde kori barǒvipe e individualnikane kapacitetongoro sakone 3eneske ke grupe sar thaj o barǒvipe e timeskere butǎkoro ane korkorutne grupe thaj maśkar olende, resarinaça te ovel śajdardo thaj ola te 3an ponadari peskere butça ano avutnipe.
Akava berś, o prioriteto ka ovel ćhivdo ke ponadarutne rodlǎripa ke Espertikane Grupe save so dizajnirinena e efta raportoja temenca save so ka oven servisoja e Rajipaske ki Republika Makedonia, internacionalnikane organizacie sar thaj aver faktoroja save so kěrena buti e Romenca ani Republika Makedonia.