ECMIRom home page
 


Romane ekspertengere
grupe baśi
integracia e Romengiri

Republika Makedonia

Leindo ko dikhipe o tikno numero savo so śaj peske te vakerel so si romane ekspertoja ani Makedonia thaj o trubutnipe te oven osigurime e avutne iniciative baśe Roma ani Makedonia si kĕrde thaj implementirime e Romendar ani Makedonia, sakoja e śtare ekspertengere grupendar khedela jekhe thane 7-11 romane ekspertoja tari sasti phuv. Thaj uzal kodova, o trubutnipe te ovel dendi sama e situaciake e romane 3uvlănge thaj terne ćhajenge ane śtar branśe ovela hośime kodoleça so isi aktivnikano participiripe e 3uvlăne romane ekspertia ani sakoja tare śtar ekspertengere grupe, savenge teleder si dende e liste e participantengere.

Еkspertengiri grupa baśo siklŏvipe si kerdi tare profesionalcoja tare pobuter branśe sar so si juristoja, aktivistoja ko BRO, studentoja palo źurnalizam thaj bare 3anlipaskere edukatoria save so kĕrena buti direktikane e romane ćhavenca andre thaj avrial taro oficialnikano siklŏvipaskoro sistemo. Akaja ekspertikani grupa kĕrela buti e pućipansa sar so si mukhipe e śkolakoro tare ćhave Roma, diskriminacia ko edukativnikano sistemo, o hali e romane 3uvlăkoro ano siklŏvipe, lokalnikani korkorira3in thaj olakoro baro 3anlipe baśo siklŏvipe e Romengoro. E diskusie kodole grupate si fokusirime kori o laćheder kĕripe buti e nacionalnikane strategiakoro baśi integracia e Romengiri ani Makedonia.

Еkspertengiri grupa baśo sastipe si kĕrdi e aktivistondar ko BRO thaj sastipaskere butikĕrutne sar so si studentoja ki emdicina thaj farmacia save so kĕrena o avutno potencialo baśi integracia e Romengiri ano makedonikano sastipaskoro sistemo. E diskusie kodole grupate, thaj sar avere grupate, si fokusirime kori o laćheder kĕripe buti e nacionalnikane strategiakoro baśi integracia e Romengiri ani Makedonia. Maśkar e pućipa so si taro ulavdo intereso dikhle e ekspertengere grupatar baśo sastipe si thaj e majbare nasvalipa maśkar i romani populacia ani Makedonia thaj i vakcinacia e romane ćhavengiri. Thaj kodova sar averthe, e 3ene ki grupa, maśkar aver, isi olen baro intereso thaj baśe pućipa ko socialnikano thaj sastipaskoro sigurnipe thaj i diskriminacia ko sastipaskoro sistemo.

Еkspertengiri grupa baśo butikeripe ano majbaro kotor si kĕrdi e bare eksperienciakere aktivistondar ko BRO save kĕrena buti ko butikĕripe, tare prezentenoja ko pobuter makedoniakere ministeripa, socialnikane butikerutne thaj studentoja ko juristikane fakultetoja. E diskusie ki ekspertengiri grupa baśo butikeripe si fokusirime ke but teme sar so si: savi si i digra e bibutărnipaskiri maśkar e Roma, savo si o rezono kodoleske, save si e profiloja e kvalifikuime Romengoro, sar thaj e śajdipa baśo 3ivdutnipe e purane romane phirnipaskoro thaj olengoro 3anlipe ko makedoniakoro amalipe. Aver branśa diskusiake sas thaj o laćheder kĕripe buti e nacionalnikane strategiakoro baśi integracia e Romengiri ani Makedonia.

Еkspertengiri grupa baśe dizutnikane hakoja si ano majbaro kotor jekh khedipe tare juristoja, studentoja ke juristikane fakultetoja thaj aktivistoja ko BRO saven isi buvlo intereso baśo spektro tare amalipnaskere pućipa tari diskriminacia so ovela kĕrdi ano amalipe 3i i minsa e Romengiri baśe univerzalnikane manuśikane hakoja thaj tromalipa. Kodova so si specifikano akale ekspertengere grupenge si so o intereso e 3enengoro si tang phandlo e juristikane aspektonca ko sastipe. Siklŏvipe thaj butikĕripe e Romengoro ani Makedonia. Sar thaj avere ekspertengere grupende, e diskusie ki ekspertikani grupa baśe manuśikane hakoja sas fokusirime ko laćheder kĕripe buti e nacionalnikane strategiakoro baśi integracia e Romengiri ani Makedonia.

palal kori o tepi