ECMIRom home page
 


Romane ekspertengere
grupe baśi
integracia e Romengiri

Republika Makedonia



Еkspertengiri grupa baśo butikeripe

Sade e 3enenge
       Kliento:
Passvordo:

Participantoja

Gŭlten Dalipovska, Skopje. R-ni Dalipovska si apsolovento ko juristikano fakulteto ko Univerziteto ano Skopje thaj ulavde interesoça kĕrela buti ke maniśake hakoja e 3uvlĕngere. Uzal olakoro butărno vaht so si phandlo e jekhutne autoriziripaça e Romengoro ane putarde institucie ani Makedonia, R-ni Dalipovska si trenirime treneri palo mediatoripe thaj lobiripe.
Enver Jonuz, Skopje. Trenirime thaj kĕrela buti sar socialnikano butikerutno, o r-jo Jonuz kĕrela buti ano Skopje ani komuna Ćair. Taro 1997 berś, thaj vov sas 3eno ki amaterikani teatroskiri grupa Roma.
Mabera Kamberi, Tetovo. O profesionalnikani treningo thaj i eksperienca e r-năkoro Kamberi sar sociologo tari branśa e butikeripaske sikavela so ola isi funda te ovel alusardi sar participanto ki ekspertikani grupa Butikĕripe. Olakere nadarutne kvalifikacie si olakoro intereso baśe jerikane pućipa, olakoro 3enipe ani Butărni grupa e phuvăke ki Lumăkiri banka, sar thaj olakoro butikĕripe ano Ministeripe baśi buti thaj socialnikani politika. I r-ni Kamberi thaj kĕrela buti ano komiteto e Fondaciakoro “Instituto putardo amalipe Makedonia”.
Dilbera Kamberovska, Kumanovo.Prezidento thaj fundalutni ki 3uvlăni romani birajikani organizacia Daja taro Kumanovo, taro 1993 b. i r-ni Kamberovska si jekh tare majanglederutne romane aktivistoja. Majbaro bahtagoripe dena olakere iniciative baśe phirnikane treningoja ki Daja save si dizajnirime tari r-ni Kamberovska.
Remzi Medik, Bitola. Thaj uzal oleskoro ternipe o r-jo Medik si kofundalutno ki ternikani birajikani organizacia thaj sikavdă peskere 3anipa sar organizatoro e khedinengoro ani Bitola. Majbut ki branśa e butikĕripaskoro thaj e romane khedinakoro. R-jo Medik thaj uzal kodova lelă than ane ćipote save so sas organizirime taro PER a sas dromarde ko bajrovipe e rajikane strategiake baśe Roma ani Makedonia.
Nadir Re3epi, Tetovo. Bizo te ovel dikhli oleskiri buti sar muzićaro, o involviripe e r-joskoro Re3epi ani ekspertikani grupa baśo Butikĕripe sikavela oleskiri ofto berśengiri buti ano birajikano sektoro. Ano nakhlo vaht, ole sas liderikani pozicia ko kĕripe raportoja ani ućhalin baśi implementacia e Fremiskere konvenciakoro baśo arakhipe e nacionalnikane minoritetengiri a sas phandli e ECMP-skere netvorkoça baśe laćheder maśkaretnikane relacie ani Republika Makedonia, finansirime tari SIDA.
Samet Skenderi, Gostivar. Fundalutno e romane birajikane organizaciakoro Mesećina, o r-jo Skenderi kĕrela buti sar asistento koordinatoro ko proekto phandlo e siklŏvipaça, manuśikane hakojenca thaj putarde politikenca. Uzal kodova, vov kĕrela buti sar konsiliari ki programa baśe laćheder maśkaretnikane relacie, thaj sar 3eno ko komiteto formirime baśe hramovipa raportoja ki ućhalin baśi implementacia ke standardoja phandle e hakojenca e nacionalnikane minoritetonca ani Makedonia.
Nijazi Elmazov, Skopje.Studento ko paluno berś ko Fakulteto baśi fizikani kultura. Aktivnikano 3eno ko romano BRO sektoro (kĕrdă buti ko ANGLUNIPE, FERYP). E R-jo Elmazov isi ulavdo intereso e edukaciake thaj butikĕripe e Romengoro. Sas ke but seminaroja baśo bajrovipe e proektongoro, diskriminacia thaj kherutno bilaćho zoralipa.

palal kori o tepi