..::ECMI::Rom::..

Bajrovindo i arakhli situacia tare dikhina e trubutnipaskere, kodova proekto isi ole baśi resarin te bajrarel o nivelo e integraciakoro e Romengiri ano amalipe ani Makedonia ano sastipe kodoleça so ka uniformirinel e resursenca te khelen efektivnikani rola ano demokratikano amalipe savo si bazirime ko rajipe e hakosokoro sar thaj bahtagorale te len thaj ko konkurentnikano kurko e butăkoro. Kodole resarinake o rpoekto dikhela fundiripe ko sa romane ekspertengere grupe ane śtar fundavne branśe. Akala ekpsertengere grupe ka dizajnirinen thaj realizirinen rodlăripa savenge ola gindinena so si bare 3anlipastar sar temelo ke konkretikane dromengere politike te śaj te ovel laćheder i komparativnikani bilaćheder pozicia ane śtar bazikane branśe.

E aktivipa e ekspertengere grupengiri si te del dumo ko generiripe e evidentoja save śaj te oven labarde ko dizajniripe politike savengiri resarin ka ovel te kĕrel laćheder i situacia e romengiri ane śtar branśe, koordinaciaça maśkar e ekspertengere grupe save so ka anen prioritetizacia e problemengere thaj bajrovipe e akciakere planengere saveça ka oven astarde akala pućipa. Uzal kodova, e aktivipa e ekspertengere grupengere dena patăvipe so ka den sinergie e avere iniciativenca (phandindo thaj o bajrovipe e rajikane strategiaça ikĕrdi e Proektostar baśe etnikane relacie thaj i Dekada baśi inkluzia e Romengiri ki Lumăkiri Banka) save so ka kĕren jekh badani so ka iklŏvel bareder kana ka oven khedime sa olakere kotora.

Pali iniciativa tari Sida, ano juni 2003 berś ECMP realizirindă i jekhto globalnikani dikhin baśo trubutnipa e Romane populaciakoro ani Makedonia taro septembar 3i novembar 2003 berś. Palo baro rodlăripa thaj konsultacie e lokalnikane interesnikane rigenca, i dikhin sas ulavdi ane śtar bazikane branśe: siklŏvipe, sastipe, dizutnikane hakoja thaj butikeripe. Sakone bazikane branśake sas dendi ulavdi sama na numa e haleske e romane populaciake generalnikane, numa thaj e poziciake e romane 3uvlăke ulavdo.

I dikhin e trubutnipangiri sas dizajnirime iradaça olatar te iklŏvel raporto baśi evaluacia savo so śaj te ovel temeli baśi strategia dromardi kori o bajrovipe e integraciakoro e Romengoro ano amalipe ko sa kodoleça so ka ovel uniformirime e resursenca save si trubutne te khelen efektivnikani rola ano demokratikano amalipe savo si bazirime ko rajipe e hakosokoro sar thaj bahtagorale te len thaj ko konkurentnikano kurko e butăkoro.

I integririme analiza e trubutnipaskiri ki romani populacia ani Srbia thaj Crna Gora si dujto dikhipe e butĕngoro save trubun e Romenge thaj si kĕrde taro ECMP pali iniciativa thaj finansirime tari rig e Śvediakere internacionalnikane agenciatar baśo bajrovipe thaj kolaboracia (Sida).

Dizajnirime upral i funda e metodologiakiri baśo dikhina e trubutnipaskere savi so bahtagorale sas kĕrdi ani jekhto globalnikani dikhin e trubutnipaske e romane populaciake ani Makedonia, i analiza ani Srbia thaj Crna Gora sas dizajnirime iradaça so o raporto savo so ka iklŏvel olatar ka śaj te ovel labardo sar funda e butăke e Sidakiri e Romenca ani Srbia thaj Crna Gora.

Sar thaj e aktivipa e ECMP-iskere e Romenca ani Makedonia, i fundavni resarin e dikhinengiri e trubutnipaskiri ani Srbia thaj Crna Gora sas te bajrarel o nivelo e integraciakoro e Romengoro ano amalipe thaj ani khedin ko sa thaj kodoleça te uniformirinel e resursoja save si trubutne te khelen efektivnikani rola ano demokratikano amalipe bazirime ko rajipe e hakosokoro sar thaj bahtagorale te len thaj ko konkurentnikano kurko e butăkoro.

E resarinenge ko analize ani Srbia thaj Crna Gora sas dizajnirime trin bazikane branśe: migracia, butikĕripe thaj manuikane hakoja. O alusaripe e bazikane branśengoro sikavela o rodlăripe e ECMP-iskoro thaj i Strategia e phuvăkiri baśi Srbia thaj Crna Gora. kĕrdi tari Sida. Sar rezultato kodolestar, e bazikane branśe dizajnirime baśi analiza ani Srbia thaj Crna Gora si aver kodolendar save si tare dikhina e trubutnipaskere ani Makedonia. Sar thaj ani Makedonia, sakone branśake sas dendi bari sama na numa e haleske e Romengoro generalnikane numa thaj e poziciake e romane 3uvlăngiri ulavdo.