| |
ECPM Flensburg isi le maškardzijaneskoro timi taro pučarkeribaskere manuša thaj ekspertija baš ikljovibe ko agor e konfliktencar, sar thaj deibe dumo baš administrativnoinfrastruktura, kote so ekspiriensi si panlo organiziribaja maškardzijaneskere konferencie, arakhiba thaj trening seminarija. Akava proektiadministriringje le akala manuša taro personali ko Flensburg :
|
Eben Friedman (USA)
Proekteskoro lideri
 |
(Uniime Amerikakere Thema ), pučarkeribaskoro manuš. Palo duje beršengoro butikeribe ko tereni ki Makedonija thaj Slovačka, agorkergja po doktoratiko politikane vigjanija ko Univerziteti ki Ksalifornija, San Diego ko septemvri 2002berš. E disertacijakoro anav sine "Vakeribe baš minoritetengoro politikano integriribe; O roma sar phari čipota". Isi le thaj magisterengiri diploma ko politikane vigjanija taro Univerziteti Jons Hopkins.
|
|
Ki Makedonija ECPM isi len regionalnikani kancalarija taro avgo ekvaš beršipe taro 2001 berš. O timi tari regionalnikani kancalarija, savi so lela sine than ko sa o faze taro proektisine legardo taro :
Sunoor Verma (India)
Konsilideibaskoro manuš ko proekti
 |
Regioneskoro prezententi, pali vokacija kardiohirurgo. O dr. Verma si thaj eksperti baš proekt menadzmenti, hramovibe proektija, keribe lafikeriba thaj organizacijakoro ikeribe. Palo butikeribe sar medicinakoro konsilideibaskoro manuš ki Učo komesarijati, ko vakti kana kerela sine pe našle manušengoro evakuiribe ko 1999 berš,kerela sine buti sar konsultanti baš proekt menadzmenti ko Centari baš studie baš našle manuša thaj migracie ko Skopje. Taro leskoro avibe ko ECPM i biradzakiri sepetka baš keribe pošukar maškar etnikane vjavaharija ki Makedonija ,sine legardi tari leskiri rig.
|
|
Sine angažirime thaj duj lokalnikane pučarkeribaskere asistentija resarinaja te den dumo
baš proekteskoro implementiribe.
Gjulten Dalipovska(Мakedonija)
Pučarkeribaskoro asistenti
 |
Trito berš ko studie baš nijami ko Univerziteti Kiril thaj Metodij ko Skopje. Ko šuru taro lakoro studiribe, kerela buti ko turli biradzakere organizacie thaj ko Instituti phravdo sasoitnipe, Programa baš o dzuvlja. I Dalipovska kerela thaj buti sar koordinatori e kupake taro terne Romane romnja. Anglal te khuvel ko akava proekti, sine thaj stažisti ki Republika Makedonijakiri kedin . |
|
Robert Rustem (Мakedonija)
Pučarkeribaskoro asistenti
 |
Apsolventi ko Tehnologijakoro metalurgijakoro fakulteti ko Skopje. Panda sar siklo ki maškaruni sikljovni sikavela sine interes baš biradzakoro butikeribe, a akana kerela buti sar treni ko Nasen centari baš dijalogo ko Skopje thaj ko Evropakoro konsilij. Ko oktomvri 2003 berš, ki makedonijakiri televizija kergja emisija baš baš butikeribe ko biradzakoro sektori. Ov kerela buti thaj sar konsultanti ko khedipe taro dzuvlja thaj terne »Luludi». |
|
|
