ECMP anglikĕrela e relacie maśkar e minoritetoja thaj o majoriteto ano buvleder Europakoro konteksto prekal e aktivipa, rodlăripa thaj dokumentacia. Dela dumo e stabilizaciakere ke reonia ke etnopolitikakere tenzie thaj konfliktoja, dela dumo te ovel zoraleder i relevantnikani legislativa thaj e majśukar praktike ano vastaripe e minoritetonca, thaj kĕrela laćheder o kapacitetoja e akterongere ano dizutnikano amalipe thaj e rajipena te kĕren jekh maśkar peskiri buti ko jekh konstruktivnikano thaj majśukar ćhani.

O Europakoro centro baśe minoritetengere pućipa, Germaniakoro-Danskakoro akcionikano orientirime centro baśi ekspertiza ki umal savate arakhena but solucie baśe konfliktoja, dikhela te kĕrel śukareder e relacie maśkar o majoritetoja thaj minoritetoja kodoleça so ka arakhel dialogo maśkar e relevantnikane riga save so si andre ko konflikto jekhe themate vaj pale regioneste. Kodoleske o ECMP si involvirime ano kĕripe kapacitetoja maśkar e minoritetengere organizacie thaj o laćheder kapacitetoja ke themakere institucie, ano drom te ovel laćheder interakcia maśkar o minoriteto thaj o majoriteto a si jekhajekh e internacionalnikane standardonca thaj majśukar praktikenca.

Ano ECMP si kombinirime zorale rodlăripaskere funde e akciakere orientirime procedurenca. Sa e proektoja e centroskere iklŏvena tare detalnikane dikhina e trubutnipaskere, thaj lena ano peste akademikano phirnipe ko centro sar thaj oleskoro pen3aripa, thaj resipa 3i, khedina savende isi manuśa ane regionoja. Thaj uzal kodova so ECMP majbut ovela finansirime e rajipnaskere resursonca, vov si ko sa adhinalo/independentno kana kĕrela o alusaripa peskere proektongoro thaj olengoro egzekutivipe. Te ovela dikhlo kodova karakteristikano statuso, ECMP śaj te ovel aktivnikano ke thana kote so e internacionalnikane organizacie thaj e birajikane organizacie (BRO) saven nane kodoja privilegia, khuvena pumen bute pharipanca ki buti. ECMP thaj uzal kodova śaj sigate te kĕrel buti kana kodova rodela i situacia.

• Realizacia e globalnikane dikhinengoro ko trubutnipa thaj dizajniripe droma save si bazirime ke arakhle dikhina e trubutnipaskere;
  
• Rodlăripe ke śajdipa baśo bajrovipe ki politikani participacia e omengiri ko populistikano nivelo thaj elitnikano nivelo; thaj
  
• Dendo dumo e implementaciake ke rajipnaskere strategie baśi integracia e Romenge.

E aktivipa ke sa e trin kategorie isi olen resarin te bajraren o nivelo e integraciakoro e romengoro ane amalipa savende 3ivdinena olengere uniformiripaça e trubutne resursenca te śaj te ovel olen efektivnikani rola ano jekh demokratikano amalipe so si bazirime ko rajipe e hakoskoro thaj baśo bahtagoralo leipe than ano konkurentnikano kurko e butăkoro.

I jekhto globalnikani dikhin e trubutnipangiri baśi romani populacia ani Makedonia sas kĕrdi tari rig e ECMP-iskiri taro septembar 3i novembar 2003 berś. E rezultatoja taro rodlăripa sikavena trubutnipe baśi mobilizacia e romane ekspertongiri save so kĕrena buti ki integracia e Romengiri ani Makedonia. Ko maśkar taro 2004 berś, ECMP śirdela e proektoça Romane ekspertongere grupe baśi integracia e Romengiri ani Makedonia. E śtar ekspertengere grupe organizirime trujal o śtar fundavne branśe ko siklŏvipa, sastipa, dizutnikane hakoja thaj butikĕripa ka bajraren thaj ka implementirinen proektoja resarinaça te kheden, thaj te den peskere gindipa ane trubutne raportoja, evidentoja baśo arakhipe baza baśo dizajniripe politika savi nane numa kĕrdi e Romenge, numa si thaj kĕrdi e Romendar.

I integririme analiza e trubutnipaskiri baśi romani populacia ani Srbia thaj Crna Gora sas dizajnirime upral i baza ki emtodologia baśe dikhina e trubutnipaskere savi so angleder kodova sas bahtagorale kĕrdi ani jekhto globalnikani dikhin e trubutnipaske e romane populaciakere tari Makedonia. I analiza ani Srbia thaj Crna Gora sas dizajnirime e mangipaça/iradaça baśi buti e Sida-kiri e romenca ani Srbia thaj Crna Gora. Pedo fundo salelini analiza ani Srbija thaj Crna Gora 2004. berš. ECMI lela e implementacija projekteski "Devibe dumo lokalne romane koordinatorenge ani Republika Srbija" ano decembri 2005. berš.