Fundone gendja kotar projekti

Akaja inicijativa dikhljarela sasutni analiza mangipaski e Romengi ani Srbija thaj Crna Gora, savu legardja ECMI, deviba dumo kotar Švediaki maškarthemutni agencija vaš bajraripe thaj maškaribe (Sida), ano anglojevend 2004. berš. Formirimo pedi metodologija rodipaski mangipa anglune beršengi istemalkerdini ano ECMI-esko rodipe mangipa Romengi ani Makedonija, anallize ani Srbia thaj Crna Gora ano jekha jekh vakhti sikavi dikhljine averipa pedi Makedonija ano leibe trin fundone umalja: migracije, khuvibe pi buti thaj dizjake hakaja. Sar ini ani Makedonija, vaš sakova fundono umal paćiv na sine dikhljino vaš e situacijake romana populacijake ano sasutnipe, veke, hema ini situacijake romane džuvljenge poulavdo.

Bukja

Dži kana o rodipe vaš ažutipe dešutrin koordinatorengo vaš romane pučiba lelino dži anglojevend 2005. beršeste prezentuiba adjahar potencijali koordinatorengo te ažutien lokalna romana khupatnake, adjhar kontinuirimi egzistencija akala pozicijake, but sitoj pedo kvalifikacije korkore koordinatorengo te len konkretikane rezultatia manginutne vaš leibe devibe domo komunake budžetesko ano avutnipe. Leibe akale rezultatengo rodela bajraripe kapacitengo na numa korkore koordinatorengo vaš romane pučiba, već ini lokalne komunake korespodetengo (na-Roma) save siton vaš aver aver umalja, ano savi romani kompleksno thaj marginalizacija ano pobut nivelja mothavipe adjahar. Ano rami e dromenca mothavde ano narativno raporti kotar ECMI-eski salelini analiza ani Srbija thaj Crna Gora, akava projekti rodela te bajraripe thaj te lačaripe kontakti maškar romane khupatne thaj lokalni thagarutni maškar treningja thaj aktivnostja formiribaske vaš lokalne koordinatorja vaš romane pučiba thaj olenge relevantna korespodentja ano lokalne parlamentija ano dešutrin komune ani Republika Srbija.

Aktivnostja

Keribe buti ano paše maškaribe e Ministriba vaš manušikane thaj minoritetenge hakaja raštraka khupatnake Srbija thaj Crna Gora (akana Servisi vaš manušikane thaj minoritetenge hakaja Republika Srbijake) sar ini e korkore koordinatorenca vaš romana pučiba, ECMI barjardja specializuimi serija treninengi vaš koordinatorja pedo akala teme:

• Sikljovibe vaš buti pedo kompjuteri;
• Manušikane thaj minoritetenge hakaja (ano rami ini hakaja e džuvljenge);
• Hramosaribe projektia ini khedipe love;
• Legaripe projekti;
• Publikako arakhipe; thaj
• Relacie e publika.

Kana ECMI-eske konsultacije e Ministriba vaš manušikane thaj minortietenge hakaja sikavdje pedo manginutno arakhibe treningja vaš komunake koorespodentja kotar prioritetna umalja  sikljovibe, khuvibe pi buti, sasljaribe thaj bešipe, ECMI atoska kerdja ini akala modulja vaš relevantna komunake reprezentatorja:

• Manušikane thaj minoritetenge hakaja (ano rami ini hakaja e džuvljenge);
• Dekada khuvibe e Romengo ano nacionalno akciono plani;
• Hramosaribe projektia; thaj
• Legaripe projekti.

E akcentea ano lačaribe maškribe maškar lokalne koordinatorja vaš romane pučiba thaj relevantne reprezentatorja komunake, akala treningja sine kerde adjahar te phanden duj ineresuime grupe. Pana bešipa vaš formiribe siton planirime ano poulavde mangipa devibe lokalne koordinatorenge šajipe sikljovibe pedo emperije jekh jekhesta pedo poulavde umalja.