Alit Amzić, Aleksinac. Fundoni thaj maškarutni veterinarski skola agorisindja ani Aleksinac, kaj sito ini bijando. Apsolventi sito Juridikake univerziteteske ano Niši. Sine stipendisti Evropake centresta vaš hakaja e Romenge (ERRC) kotar Budapest. Dženo tano e Programeske konsileske RTV «Nišava» ini portparoli vaš publika ani romani BTO (NGO) «Dobra volja» ani Aleksinac.

Radovan Asković, Pirot. Maškarutni skola agorisindja ani Pirot. Ano bithagarutnako sektori sito aktivno kotar 2000. berš. Piro devibe romana khupatnake dendja ano aver aver umalja: buti e angloskolake čhavenca, fundonoskolako sikljovibe, socijalni politika ini khuvibe pi buti, kanuneski politika, sasljaribe. Khedela istorikane faktja kotar Roma ani komuna Pirot ini olengo djivdipasko vakeriba.

Dejan Bajramović, Vranje. Fundoni thaj maškarutni Ekonomikani skola agorisindja ani Vranja. Asistenti sito ano sikavibe Romani ćhib ano angloskolako thaj fundonoskolako sikljovibe. Barjamović sito aktivno dženo Amalipasko «Rom» ani Vranja pana kotar 1989. berš, a 2004. beršeste formirini, pane e deš djenenca, amalipe «Romani asvi». Sine dženo Kancelarijako vaš realizuibe thaj arakhibe personalne thaj kolektivne hakaja romana nacionalna minoriteteske ani komuna Vranje, dži o momenti kana nakhlja ano than turvinutno romana nacionalna minoritetenge.

Lidija Bajramović, Negotin. Agorisindja ani naturalno-matematikani negotinsko gimnazija. Sekretari sito amalipasko Roma ano Negotin ano kasko formiribe lelja kotor.

Suzana Dinulović, Bela Palanka. Sine ano Univerziteti ano Sarajevo vaš orijentalistika (arapsko, khorano thaj puranoiransko ćhib). Kerdja buti sar preduzetniko, sinela personalni firma vaš distribucija sastronenge (kovačke) artiklja. Kerdja ani centralni laboratorija Pirotska dukhavne khereste ano than kompjutersko protokolisti. Lelja kotor ano projekti vaš sikljovibe terne Roma, a ano reso arakhibe tradicionalne baripa sastrno (kovačko) zanati. Lelja kotor ano hramosaribe haljovibe kotar maškaribe maškar BTO «Vordon» thaj BTO kotar Bulgaria ano rami trans samatrendakro maškaribe maškar Srbia thaj Bulgaria.

Nedžip Eminović, Leskovac. Eminović sito muzikako profesori savo buti pedo pučibe romana emancipacijake thaj integracijake lela pana čirla 1975. beršeste. Sine ini dženo Direkciake šerutnipaske amalipe «Sait Balić» ano Niši, ano duj mandatja prezidento Amalipasko vaš kultura thaj sikljovibe e Romengo «Hisar».  Ano jekh vakhti formirini piri Romani BTO telo anav Unija Roma «Nevo Djivdipe». Ovela angluno romano koordinatori ano thana SCG 2003. beršeste sar dženo Komunake šerutnipaske komunake Leskovac. Jekh sito kotar inicijatori vaš formiribe «Balkanska mreža vaš bajraripe thaj integracija e Romengi», kasko sito teloprezidento. Aktivirindja formiribe «Khupantipe amalipa e Romengo Pčinsko-Jablaničko regionake», kaj sineto teloprezidento ano duj mandatja.

Dragan Gračanin, Valjevo. Bijamo ani Valjeva, agorisindja Uči skola vaš informacione sistemja thaj komunikacone tehnologije ano Beogradi. Nakhlja treningja vaš terne romane liderja, publikako arakhibe, monitoring thaj evaluacije vaš trenerja, skola vaš demokratija thaj politikane studije. Sine volonteri ani avera romane BTO. Programi menadžerei sito «Romane centreske vaš demokratija».

Zoran Kalanjoš, Sombor. Sito studenti ano Univerziteti ano Novi Sad. Sito aktivno dženo (sekretari) romana bithagarutna organizacijako kotar 1998. berš. Sine koordinatori but šukar realizuime projektengi ani piri komuna.

Slavica Petrović, Barajevo. Sito studenti Agroekonomkane fakultetesko ano Beogradi. Oj sitoj koresopdenti ani buti e romane čhavenca ani fundoni skola ano Barajevo ini ani Skola vaš sikljovibe džene bi agorisimi fundoni skola (ulavdo klasi ano Barajevo). Organizuindja thaj sine kherutni kulturna manifestacijake «Dive e Romengo ano Barajevo», sebepi Dive manušikane hakaja, decembri 2005. beršeste.

Živorad Rakić, Grocka. Fundoni skola agorisindja ano Beč (Austrija), uči skola hramosardja ano Bon (Germanija), kaj ini agorisindja menadžmenti thaj butikeribe. Pedo reslibe romane problemja ani piri komuna kerela andar 1992. berš. Sito prezidento Romane centresko «Sloboda».

Srba Stoilković, Vlasotince. Fundoni thaj maskarutni skola agorisindja ani Vlasotinca. But poangle angažuindjape vaš emancipacija thaj integracija e Romengi ani piri komuna. Sito prezidento Amalipe Roma Vlasotince andar 2004. berš, kaj kerela ano maškaribe maškar Amalipe Rom thaj Lolo trušul, ani relacija e korkoro devibe ratesko, sar ini lačaribe infrastruktura romana bešipaskethanenge, sar ini arakhibe than vaš buti amalipe Roma.

Zorica Stanković, Novi Beograd. Piro angažmani ano umal reslibe Romane problemja lelja 1999. beršeste ano than sar sekretari Miškope Romane jakhipaski. 2001. beršeste ovela alosardi vaš prezidento «Romane centresko vaš hakaja čhavejngo». Sine koordinatori hurdelinesko Humanitarno amalipe «Romano ilo», ano savo 2004. beršeste ovela sekretari amalipasko.

Zora Šerifović, Bujanovac.  Buti pedo romane pučiba lelja 1983. beršeste ani Leskovac, kaj ini agorisindja Ekonomikani-komercijalno thaj juridikako-korespodenteski skola sar bukjako sekretari. Olakri buti lundjari ani Bujanovca, kaj ini avdive dživdini. Sekretari sito BTO «Centar vaš progresi e Romengo», ani Bujanovca.